मेजा बिजौरा निषाद बस्ती में दूर हुई बिजली की समस्या, समाजसेवी सुनील निषाद के प्रयासों से रोशन हुई बस्ती

بی جے پی نے اسمبلی میں ڈی ٹی سی بسوں کی حالت پر اٹھائے سوال، کہا لوگوں کی جان خطرے میں ہے

نئی دہلی17اگست،سماج نیوز سروس: اسمبلی میں اپوزیشن لیڈر رامویر سنگھ بیدھوڑی نے بدھ کو اسمبلی اجلاس کے دوران ڈی ٹی سی بسوں کی خراب حالت کا الزام لگایا۔ انہوں نے ڈی ٹی سی کے ریٹائرڈ ملازمین کی پنشن کا مسئلہ بھی اٹھایا۔ انہوں نے کہا کہ ڈی ٹی سی کے بیڑے میں 3504 بسیں ہیں۔ تمام بسیں اپنی مدت پوری کر چکی ہیں۔ آئے دن ان بسوں میں آگ لگ جاتی ہے جس کی وجہ سے بسوں میں سفر کرنے والے مسافروں کی زندگیاں خطرے میں پڑ جاتی ہیں۔بیدھوڑی نے کہا کہ آٹھ سالوں میں دہلی حکومت نے ایک بھی سی این جی بس نہیں خریدی ہے۔ ڈی ٹی سی کا نقصان بھی 10,000 کروڑ روپے سے زیادہ ہو گیا ہے۔ ڈی ٹی سی کی مالی حالت ایسی ہے کہ 21,000 ریٹائرڈ ملازمین کو پنشن دینے کے لیے بھی پیسے نہیں ہیں۔ ڈی ٹی سی کے ریٹائرڈ ملازمین کی پنشن کئی ماہ سے بقایا ہے۔ پنشن کے چار ماہ کے بقایا جات جون میں دیے گئے۔ وزیراعلیٰ نے ڈی ٹی سی کے عارضی ملازمین سے وعدہ کیا تھا کہ انہیں مستقل کیا جائے گا۔ لیکن آج تک ملازمین کو مستقل نہیں کیا گیا۔اسمبلی میں اپوزیشن لیڈر بیدھوری نے بھی پانی کو لے کر دہلی حکومت پر سنگین الزامات لگائے۔ انہوں نے کہا کہ سال 2014 میں جب جل بورڈ 500 کروڑ روپے کا منافع کما رہا تھا تو اچانک 72 ہزار کروڑ روپے کا نقصان کیسے ہوا۔ جمنا کی صفائی کے لیے مرکز کی طرف سے دیے گئے 8500 کروڑ روپے کا حساب بھی حکومت نہیں دے رہی ہے۔ جل بورڈ نے پانی کے معیار کو جانچنے کے لیے 7500 نمونے لیے جن میں سے 2500 نمونے فیل ہوئے۔ جن ریاستوں کے ساتھ حکومت نے پانی کے لیے معاہدہ کیا تھا، ان ریاستوں کو اب بھی پانی کیوں نہیں مل رہا ہے؟ بی جے پی کے باقی ارکان اسمبلی نے بھی اسمبلی اجلاس کے دوران پانی کے مسئلہ پر دہلی حکومت کو گھیرنے کی کوشش کی۔